Սանկտ Պետերբուրգում տեղի է ունեցել « Собака.ru » ամսագրի հիմնադրած «Что Где Есть в Петербурге – 2026» հոբելյանական՝ 20-րդ գաստրոնոմիական մրցանակաբաշխության հանդիսավոր արարողությունը։ Հաղթողներն ընտրվել են եզրափակիչ փուլ անցած մասնակիցների շարքից՝ փորձագիտական ժյուրիի քվեարկության արդյունքում։ Ժյուրիի կազմում ընդգրկված էր նաև Սանկտ Պետերբուրգի փոխնահանգապետ Բորիս Պիոտրովսկին։ Նախագծի 20-ամյակի առթիվ կազմակերպիչները սահմանել էին նաև հատուկ՝ մրցութային ծրագրից դուրս անվանակարգեր՝ «20-ամյակի ռեստորատորներ» և «Լավագույն բարային թիմ»։ Քաղաքի գաստրոնոմիական ոլորտի առանցքային ներկայացուցիչներից մեկը՝ «Probka Family»-ի հիմնադիր Արամ Մնացականովը, արժանացել է մրցանակի «20-ամյակի ռեստորատորներ» անվանակարգում՝ ստանալով Կայսերական ճենապակու գործարանի պատրաստած՝ ափսեի տեսքով խորհրդանշական արձանիկը։ The post Արամ Մնացականովը՝ «Что Где Есть в Петербурге – 2026» հոբելյանական մրցանակաբաշխության դափնեկիր appeared first on Alphanews .