Իսպանական Renfe երկաթուղային օպերատորը մինչև դեկտեմբեր դադարեցրել է Մադրիդի և Անդալուսիայի միջև արագընթաց գնացքների տոմսերի վաճառքը։ Որոշումն ընդունվել է Տոլեդո նահանգում՝ Կաստիլիա-Լա Մանչա ինքնավար համայնքում, այդ երթուղում երկու մարդատար գնացքների բախումից հետո։ Այս մասին, վկայակոչելով ընկերության աղբյուրներին, հայտնել է Europa Press գործակալությունը։ Նշվում է, որ դա չի նշանակում, թե երկաթուղային գիծը փակ է լինելու մինչև նշված ժամկետը։ Գործակալության պարզաբանմամբ՝ տոմսերի վաճառքը կարող է ամբողջությամբ վերականգնվել նաև ավելի վաղ, եթե դրա համար անհրաժեշտ պայմաններ ստեղծվեն։ Առավոտյան Տոլեդո նահանգի Ուրդա բնակավայրի մոտ բախվել են երկու մարդատար գնացքներ։ Վթարի հետևանքով գնացքներից մեկի երկու վագոն դուրս է եկել ռելսերից։ El Diario թերթի տվյալներով՝ զոհվել է առնվազն 68 մարդ։ Antena 3 հեռուստաալիքի հաղորդմամբ՝ տուժել է 179 մարդ։