ԵՐԵՎԱՆ, 28 հոկտեմբերի – Sputnik. Քիչ առաջ «Զվարթնոց» օդանավակայանում իրավապահները մոտեցել են ռուսաստանյան «Լուդինգ» ընկերության համահիմնադիր Արթուր Վարժապետյանին և նրան տարել տեղի ոստիկանության բաժանմունք: Այս մասին գրում է 24News-ը։Դեռ օգոստոսին ՀՀ վարչապետ Նիկոլ Փաշինյանն իրավապահներին հանձնարարել էր «սուրճի հրավիրել» ռուսաստանաբնակ հայերին պատկանող և ՌԴ ալկոհոլի ներկրմամբ ու իրացմամբ զբաղվող «Լուդինգ» ընկերության սեփականատերերին։ Ճեպազրույցի ժամանակ Փաշինյանն արձագանքել էր լրագրողի պնդմանը, թե ընկերության սեփականատերերն իբր գործի են դրել իրենց կապերը Ռոսպոտրեբնադզորում և խոչընդոտներ են առաջացնում Ռուսաստան կոնյակ արտահանողների համար՝ պահանջելով իրենց «փայաբաժինը»։24News-ի տեղեկություններով` նա Երևան է եկել մոր հուղարկավորությանը մասնակցելու համար: