Սպառման աճի պատճառով Երևանը նոր ջրատարների կարիք ունի․ ՀՀ փոխվարչապետ

ԵՐԵՎԱՆ, 28 հոկտեմբերի – Sputnik. Երևանում ջրի սպառման ծավալներն աճել են և գերազանցել 10 տարի առաջ կանխատեսված ցուցանիշը։ Այս մասին ԱԺ–ում կառավարության հետ հարցուպատասխանի ժամանակ հայտարարեց ՀՀ փոխվարչապետ Տիգրան Խաչատրյանը:Հանրապետության ջրամատակարարման և ջրահեռացման համակարգի վարձակալության պայմանագրի համաձայն, որը կառավարությունը 2016 թվականին կնքել էր ֆրանսիական «Վեոլիա» ընկերության հետ, Երևանում ջրի սպառումը 2031 թվականին պետք է հասներ տարեկան 174 մլն խորանարդ մետրի, սակայն փաստացի արդեն 2025 թվականին այն գերազանցել է 180 միլիոնը, իսկ մինչև 2031 թվականը սպասվում է ևս 40–45 միլիոնի աճ:Քլորացումը թույլ է տալիս «մաքրել հետքերը». մասնագետը` ջրի որակի մասին2027 թվականից նախատեսվում է Երևանում մեկնարկել 10 մլն, այնուհետև՝ ևս 20 մլն խորանարդ մետր հզորությամբ ջրատարների կառուցման աշխատանքները:Խաչատրյանի խոսքով՝ Հայաստանում խմելու ջրի պաշարները բավարար են, սակայն դրանց զգալի մասը կորչում է խողովակաշարերի խիստ մաշվածության պատճառով:Համակարգի արդիականացման մեջ ներդրումներ կատարելուն խոչընդոտում է այն, որ 2016 թվականին, երբ այն վարձակալության էր հանձնվել «Վեոլիային», չկային մեխանիզմներ, որոնք կկարգավորեին պետական միջոցներով ներդրումների իրականացումը: Նման մեխանիզմների բացակայության պայմաններում իրականացվում են տարեկան 3,5–4 միլիարդ դրամի (մոտ 10 մլն դոլար) չափով ներդրումներ, ինչը, փոխվարչապետի խոսքով, բավարար չէ:Կաթիլով ջուր են տալիս, էն էլ՝ թունավոր. բյուրեղավանցիները «Վեոլիա Ջրից» պատասխան են ուզում