Անորշությունը մեծ է ռուս-ուկրաինական բանակցային ճակատում: Մինչ ԱՄՆ նախագահ Դոնալդ Թրամփը հայտարարում է մոտ ապագայում Պուտինի և Զելենսկիի հետ անձամբ հանդիպելու ակնկալիքի մասին, Մոսկվան ուրվագծում է սեփական պայմանները։ Պուտինի օգնական Յուրի Ուշակովը հաստատել է, որ Ռուսաստանի նախագահը պատրաստ է անվտանգության երաշխիքներով Մոսկվայում ընդունել Վլադիմիր Զելենսկիին, բայց միայն բանակցային գործընթացի ավարտին, երբ սեղանին ստորագրման ենթակա փաստաթղթեր կլինեն: Առայժմ կողմերը պատրաստվում են Աբու Դաբիի հանդիպմանը, իսկ ռազմաճակատում իրադրությունը թեժ է մնում: