Թուրքիայի առաջնության 9-րդ տուրի խաղում զանգվածային բախում է տեղի ունեցել «Գալաթասարայի» և «Ֆեներբահչեի» ֆուտբոլիստների միջև: Հանդիպումն անցկացվել է «Գալաթասարայի» խաղադաշտում և ավարտվել տանտերերի հաղթանակով՝ 2:1: Եզրափակիչ սուլիչից հետո «Ֆեներբահչեի» հարձակվող Քերեմ Ակտուրկօղլուն մոտեցել է «Գալաթասարայի» պաշտպանին և սկսել հրել նրան, ինչից հետո միջամտել են մյուս խաղացողները: Երկու հոգի հայտնվել է հատակին։ Խաղացողներին բաժանել են ոստիկանները, որոնք խաղադաշտ են մտել վահաններով։