Նախիջևանը Հայաստանի տարածքով կմիանա Ադրբեջանին, իսկ Հայաստանը պետք է Ադրբեջանի տարածքով ճանապարհ ստանա դեպի Մեղրի և երրորդ երկրներ։ ԱԺ-ում ԹՐԻՓՓ-ի վավերացման քննարկմանը իշխանությունը նախագիծը ներկայացնում է որպես փոխադարձ շահ ապահովող հնարավորություն, ընդդիմությունը հարցնում է՝ որտե՞ղ են դրա երաշխիքները։ Արարատ Միրզոյանը հայտարարում է՝ չի կարող Ադրբեջանը օգտվել ԹՐԻՓՓ-ից, իսկ Հայաստանը՝ ոչ, սակայն ընդունում է՝ Ադրբեջանի տարածքով անցման պայմանները դեռ պետք է համաձայնեցնել Բաքվի հետ։ ԱԳ նախարարի մեկ այլ հայտարարությամբ՝ ԹՐԻՓՓ-ը կարող է գործարկվել նաև մինչև Հայաստան-Ադրբեջան խաղաղության պայմանագրի վերջնական ստորագրումը։