ՌԴ նախագահ Վլադիմիր Պուտինը Ֆինլանդիայի նախագահ Ալեքսանդր Ստուբի և Նորվեգիայի վարչապետ Յոնաս Գար Ստյորեի հետ զրույցում հաստատել է, որ Ուկրաինայի նախագահ Վլադիմիր Զելենսկին կարող է մեկնել Մոսկվա։ Այս մասին հայտնել է ՌԴ նախագահի օգնական Յուրի Ուշակովը։ Նրա խոսքով՝ Զելենսկու՝ Մոսկվա ժամանելու դեպքում կապահովվեն բոլոր անհրաժեշտ պայմանները, այդ թվում՝ նրա անվտանգությունը։ Ուշակովի խոսքով՝ Ռուսաստանի և Ուկրաինայի ղեկավարների միջև հանդիպումն իմաստ կունենա բանակցային գործընթացի ավարտից հետո՝ փաստաթղթերը ստորագրելու նպատակով։ Ռուսական կողմը դեռ չի քննարկում, թե ով կներկայացնի Եվրոպան Ուկրաինայի հակամարտության կարգավորման շուրջ բանակցություններում։ Այդ հարցը կլուծվի ավելի ուշ փուլերում, «Իզվեստիա»-ի թղթակից Իգոր Բալդինին իր հերթին հայտնել է ՌԴ նախագահի օգնական Յուրի Ուշակովը։ Միևնույն ժամանակ Ուշակովն ընդգծել է, որ ամերիկյան կողմի հետ երկխոսությունն ընթանում է աշխատանքային ռեժիմով, և կողմերն առաջ են շարժվում՝ նոյեմբերին նախատեսված եռակողմ բանակցությունների ժամկետին ընդառաջ։ —00—ՍՊ The post Մոսկվա ժամանելու դեպքում Զելենսկուն կապահովեն բոլոր պայմանները, այդ թվում՝ անվտանգությունը. Ուշակով appeared first on 24News .