Հայաստանի տարածքով Ադրբեջանին տրամադրվում է անխոչընդոտ կապ, և դրա դիմաց Հայաստանը ստանում է փոխադարձ առավելություններ։ Խնդրում եմ, կնշե՞ք այն փաստաթուղթը, եթե ձեռքի տակ ունեք, խնդրում եմ, ընթերցեք այդ հատվածը, որտեղ նույնքան դետալիզացված, որքան այս փաստաթղթում է, նշվում են Ադրբեջանի պարտավորությունները․ Ազգային ժողովում TRIPP նախագծի քննարկման ժամանակ ՀՀ արտգործնախարարին հարց ուղղեց Հայաստան խմբակցության պատգամավոր Քրիստինե Վարդանյանը։ Երբ որ ասում ենք փոխադարձ առավելություններ, ես առաջարկում եմ մի հատ նայել մեգամակարդակը, այսինքն՝ Հայաստանի Հանրապետությունն Ադրբեջանի տարածքով և ենթակառուցվածքներով կապվելու է երրորդ երկրների հետ՝ առաջին շերտ, երկրորդ շերտ՝ Հայաստանի Հանրապետությունը կապվելու է Ադրբեջանի հետ երկկողմ առևտրի համար, և Հայաստանի Հանրապետությունը կապելու է, եթե երկաթուղու մասին ենք խոսում, իր հյուսիսն ու հարավը։ Հիմա այդ բոլորը, անկասկած, գրված, որևէ տեղ կասկածի և խոչընդոտի չհանդիպող բաներ են ,- ասաց Արարատ Միրզոյանը։ Հետևաբար, ըստ նրա, երբ մենք կասկածի տակ ենք դնում փոխադարձ առավելությունները և այն գաղափարը, որ մենք կարող ենք օգտագործել իրենց տարածքը, այնքան ժամանակավրեպ է ․ Գուցե, չգիտեմ, մի տարի առաջ այդ մտահոգությունը տեղին լիներ, հիմա արդեն չէ։ Այսինքն՝ փոխադարձությունը, որ ակնկալում էինք ապագայում, արդեն կա ։ Քրիստինե Վարդանյանը նորից կրկնեց հարցը՝ նշելով․ Խոսքը որևէ փաստաթղթի մասին է, որը կվկայեր, որ այն իրավական անշրջելի պարտավորությունները, որ մենք ստանձնում ենք, նույնանման պարտավորություններ ստանձնում է նաև Ադրբեջանը ։ Փաստորեն ասում եք, որ մեր փոխադարձ առավելությունն այն է, որ մենք օգտագործելու ենք Ադրբեջանի տարածքը, հարցը շատ պարզ է՝ նույն ռեժիմո՞վ ենք օգտագործելու, թե՞ չէ, սա՛ է անկյունաքարային հարցը, եթե այո՛, որտե՞ղ է դա նկարագրված, և սրանից բխող հարց՝ TRIPP-ը միայն Հայաստանի տարածքով անցնող 42-43 կիլոմետր տարա՞ծքն է, թե՞ նաև Ադրբեջանի տարածքով անցնող ենթակառուցվածքները համակարգելն է ,- հարցը շարունակեց պատգամավորը։ Ինձ հայտնի է TRIPP միայն Հայաստանի տարածքում, ես Հայաստանի արտգործնախարարն եմ, եկել եմ և ներկայացնում եմ Հայաստանի և Ամերիկայի Միացյալ Նահանգների միջև ստորագրված համաձայնագիր, որը, բնականաբար, Հայաստանի տարածքի մասին է։ Կարող է՝ վաղը կնքվի, որ TRIPP-ը նաև շարունակվում է Նախիջևանում, բայց էլի եմ ասում, եթե գաղափարն այն է, որ դա է աշխատելու և վերջ, ո՛չ, դրանից գալու է Նախիջևան, եթե շարժը արևելքից արևմուտք անեք, Նախիջևանից հաստատ մտնելու է Հայաստան․․․ կարա մտնի նաև Թուրքիա։ Ես փորձում եմ մեծ պատկերը նկարագրել և Հայաստանի շահելիքն այդ մեծ պատկերի մեջ ,- ասաց արտգործնախարարը։