Հոկտեմբերի 26-ին Թեհրանում կայացել է Իրանի, Թուրքիայի, Պակիստանի եւ Սաուդական Արաբիայի քառակողմ հանդիպումը տարածաշրջանային անվտանգութեան եւ կայունութեան հարցերի շուրջ։ Հանդիպմանը մասնակցել են Սաուդական Արաբիայի պաշտպանութեան նախարար Խալեդ բին Սալմանը, Պակիստանի զինւած ուժերի հրամանատար Ասիմ Մունիրը եւ Թուրքիայի հետախուզական ծառայութեան ղեկավար Իբրահիմ Քալընը։ Իրանական կողմը ներկայացրել է Ազգային անվտանգութեան գերագոյն խորհրդի քարտուղար Մոհսէն Ռեզային։ Հանդիպման մասնակիցները պայմանաւորւել են շարունակել խորհրդակցութիւնները՝ չորս երկրների միջեւ համագործակցութիւնն ամրապնդելու, մասնաւորապէս՝ տարածաշրջանային խաղաղութեան եւ անվտանգութեան ոլորտներում։ Նոյն օրը Մասուդ Փեզեշքիանն ընդունելով Սաուդական Արաբիայի պաշտպանութեան նախարարին, Պակիստանի զինւած ուժերի հրամանատարին եւ Թուրքիայի հետախուզական ծառայութեան ղեկավարին, կարեւորել է իսլամական երկրների միջեւ տարաձայնութիւնների կարգաւորումն ու քաղաքական պայմանաւորւածութիւնները գործնական քայլերի վերածելը շեշտելով, որ տարածաշրջանային կայունութեան հիմքը բազմակողմ համագործակցութիւնն է։