Հոկտեմբերի 27-ի զոհերի հիշատակը մեկ րոպե լռությամբ հարգելուց հետո խորհրդարանում այսօր կրկին միջադեպ տեղի ունեցավ՝ ԱԺ նախագահ Ռուբեն Ռուբինյանի և ընդդիմադիր պատգամավոր Էդգար Ղազարյանի մասնակցությամբ։ Բանավեճի թեման նախորդ նիստերին ԱԺ նախագահի հնչեցրած «Էդգար Ղազարյանին դուրս շպրտելու» արտահայտությունն էր։ Ընդդիմադիր պատգամավորը խնդրում էր մեջբերել ԱԺ օրակարգի տվյալ եզրույթը։ Քիչ անց արդեն ամբիոնին մոտեցած պատգամավորին Ռուբինյանը կրկին հորդորեց չշեղվել օրակարգից, սակայն Ղազարյանը շարունակեց ելույթը։ ԱԺ նախագահը նախ անջատեց նրա խոսափողը, ապա անվտանգության աշխատակիցներին հրավիրեց դահլիճ՝ պատգամավորին ամբիոնից հեռացնելու համար։ «Ուժեղ Հայաստան» խմբակցության պատգավորների միջամտությունից հետո Ղազարյանը զբաղեցրեց իր տեղը։