Լոնդոնի «Պալադիում» թատրոնում կայացավ ֆուտբոլային տարվա ամենասպասված իրադարձությունը՝ «Ոսկե գնդակ-2026» մրցանակաբաշխությունը։ Հայտնի են դարձել բոլոր անվանակարգերի հաղթողները։ Երեկոյի գլխավոր հերոսը Մյունխենի «Բավարիայի» և Անգլիայի ազգային հավաքականի հարձակվող Հարի Քեյնն էր, որը նվաճեց իր կարիերայի առաջին «Ոսկե գնդակը»՝ միաժամանակ ճանաչվելով նաև տարվա լավագույն ռմբարկու։ Իսկ իսպանական ֆուտբոլը և կատալոնական «Բարսելոնան» պարզապես փայլեցին՝ տուն տանելով մրցանակների առյուծի բաժինը։ «Ոսկե գնդակ-2026»-ի բոլոր դափնեկիրները. Տղամարդկանց «Ոսկե գնդակ» — Հարի Քեյն («Բավարիա», Անգլիայի հավաքական) Կանանց «Ոսկե գնդակ» — Ալեքսիա Պուտելյաս («Լոնդոն Սիթի Լայոնեսիս», Իսպանիայի հավաքական) Տարվա լավագույն երիտասարդ ֆուտբոլիստ (տղամարդիկ) — Լամին Յամալ («Բարսելոնա», Իսպանիայի հավաքական) Տարվա լավագույն երիտասարդ ֆուտբոլիստ (կանայք) — Վիկի Լոպես («Բարսելոնա», Իսպանիայի հավաքական) Տարվա լավագույն հարձակվող (տղամարդիկ) — Հարի Քեյն («Բավարիա», Անգլիայի հավաքական) Տարվա լավագույն հարձակվող (կանայք) — Շարլին Կորալ («Պաչուկա», Մեքսիկայի հավաքական) Տարվա լավագույն դարպասապահ (տղամարդիկ) — Ունաի Սիմոն (Բիլբաոյի «Աթլետիկ», Իսպանիայի հավաքական) Տարվա լավագույն դարպասապահ (կանայք) — Կատա Կոլ («Բարսելոնա», Իսպանիայի հավաքական) Տարվա լավագույն մարզիչ (տղամարդկանց ֆուտբոլ) — Լուիս դե լա Ֆուենտե (Իսպանիայի հավաքական) Տարվա լավագույն մարզիչ (կանանց ֆուտբոլ) — Պերե Ռոմեու («Բարսելոնա») Տարվա լավագույն տղամարդկանց ակումբ — ՊՍԺ (Ֆրանսիա) Տարվա լավագույն կանանց ակումբ — «Բարսելոնա» (Իսպանիա) Սոկրատեսի անվան մրցանակ (բարեգործական և սոցիալական գործունեության համար) — Բուկայո Սակա («Արսենալ», Անգլիայի հավաքական) Հիշեցնենք, որ հեղինակավոր մրցանակը յուրաքանչյուր տարի շնորհվում է ֆրանսիական France Football պարբերականի կողմից՝ օրացուցային տարվա լավագույն ֆուտբոլիստին։ Նախորդ տարի պատվավոր մրցանակին արժանացել էր ՊՍԺ-ի և Ֆրանսիայի հավաքականի հարձակվող Ուսման Դեմբելեն։ Աղբյուրը՝ Armsport.am : –00—ՅՄ The post Թագավորը վերջապես թագադրվեց. ովքե՞ր են Ոսկե գնդակ-2026-ի բոլոր դափնեկիրները appeared first on 24News .