Ազգային ժողովի նախագահի տեղակալ, Եվրոպայի խորհրդի խորհրդարանական վեհաժողովում (ԵԽԽՎ) Հայաստանի պատվիրակության ղեկավար Հայկ Կոնջորյանը նոյեմբերի 8-12-ը գործուղման կմեկնի ԱՄՆ՝ Նյու Յորք։ Ինչպես տեղեկանում ենք Ազգային ժողովի նախագահի կարգադրությունից, Կոնջորյանը Նյու Յորքում կմասնակցի ԵԽԽՎ արտաքին հարաբերությունների ենթահանձնաժողովի նիստին։ ԱԺ նախագահի՝ հոկտեմբերի 26-ի կարգադրությամբ՝ գործուղման հետ կապված ճանապարհածախսը, օրապահիկը և գիշերավարձը կփոխհատուցվեն Հայաստանի 2026 թվականի պետական բյուջեով Ազգային ժողովին այդ նպատակով հատկացված միջոցներից՝ փաստացի կատարված ծախսերը հավաստող փաստաթղթերի հիման վրա։ Սոնա Գրիգորյան