Ֆրանսիայի կառավարությունը մտադիր է արգելափակել այն սոցիալական ցանցերի հարթակները, որոնք չեն հեռացնում ապստամբությունների և բռնության կոչ անող գրառումները կառավարության խնդրանքից հետո: Այս մասին հաղորդում է Le Figaro-ն՝ հղում անելով խորհրդարան ներկայացված անկարգությունների դեմ պայքարի օրինագծի փոփոխությանը: Նախաձեռնության համաձայն՝ ինտերնետային հարթակները պարտավոր կլինեն մեկ ժամվա ընթացքում հեռացնել ահաբեկչական գործողությունների, ապստամբությունների կամ պետության կամ բնակչության որոշակի խմբերի դեմ զինված պայքարի կոչեր պարունակող նյութերը: Չպահպանելու դեպքում իշխանությունները կարգելափակեն սոցիալական ցանցերը կամ կհեռացնեն դրանք որոնման արդյունքներից։ Փոփոխությունը նաև ընդլայնում է պետական ​​Pharos հարթակի լիազորությունները, որը նույնականացնում է առցանց անօրինական բովանդակությունը: Սոցիալական ցանցերի հարթակներին տրվում է 24 ժամ՝ հեռացնելու սպանության, բռնության, գողության և գույքի ոչնչացման կոչեր պարունակող գրառումները, եթե նման նյութերը կարող են հանգեցնել հասարակական կարգի լուրջ խախտման: