1999 թվականի այս օրը զինված հանցագործների խումբն ԱԺ հերթական նստաշրջանի՝ կառավարության հետ հարցուպատասխանի ժամանակ, ներխուժեց խորհրդարան և գնդակահարեց պետական գործիչներին: Սպանվեցին Ազգային ժողովի նախագահ Կարեն Դեմիրճյանը, վարչապետ Վազգեն Սարգսյանը, խորհրդարանի փոխնախագահներ Յուրի Բախշյանը և Ռուբեն Միրոյանը, պատգամավորներ Արմենակ Արմենակյանը, Միքայել Քոթանյանը, Հենրիկ Աբրահամյանը և նախարար Լեոնարդ Պետրոսյանը։ Ոճրագործության գործով ցմահ դատապարտվածներից այսօր ողջ են Նաիրի և Կարեն Հունանյանները, Դերենիկ Բեջանյանը: Ոճրագործությունից անցել է 27 տարի, սակայն հոկտեմբերի 27-ի գործը մինչ օրս ամբողջությամբ բացահայտված չէ։