Մինչ Երևանում կենսաբազմազանությանը նվիրված միջազգային համաժողով են անցկացնում, մայրաքաղաքից շուրջ 350 կիլոմետր հեռավորության վրա՝ Հայաստանի հարավում Ադրբեջանի տիրապետության տակ գտնվող տարածքներում վերջին տարիներին ծառեր են հատվում, վնասվում է էկոհամակարգը: 2022-ի սեպտեմբերին ադրբեջանական հարձակումից հետո Սյունիքում տասնյակ քառակուսի կիլոմետրերի հանող տարածքներ օկուպացվեցին, մասնագետների հաշվարկով՝ այս չորս տարիների ընթացքում Շիկահողի արգելոցում ադրբեջանական կողմը 60 հեկտարի անտառ է հատել՝ դիրքեր ու ճանապարհներ կառուցելու համար: