ԵՐԵՎԱՆ, 26 հոկտեմբերի - Sputnik. Իրանի զինված ուժերը լիովին վերահսկում են Հորմուզի նեղուցը, Պարսից և Օմանի ծոցերը: Այս մասին հայտարարել է Իրանի զինված ուժերի «Խաթամ ալ-Անբիա» կենտրոնական շտաբի հրամանատար Ալի Աբդոլլահին: Հրամանատարի հայտարարությունը տարածել է Իրանի պետական հեռուստառադիոընկերությունը:Նրա խոսքով՝ իրանցի զինվորականների վերահսկողության տակ են գտնվում Պարսից ծոցի ջրային տարածքը, այնտեղ տեղակայված կղզիները, Օմանի ծոցն ու դրա ափամերձ գոտին, ինչպես նաև Հորմուզի նեղուցի արևելյան և արևմտյան հատվածները:Տարածաշրջանում զինված հակամարտությունը սկսվել է փետրվարի 28-ին, երբ ԱՄՆ-ն և Իսրայելը հարվածներ հասցրեցին իրանական օբյեկտներին: Թեհրանը պատասխանեց սեփական հարձակումներով: Հունիսի կեսերին Իրանն ու ԱՄՆ-ն ռազմական գործողությունների դադարեցման մասին հուշագիր ստորագրեցին, սակայն հետագայում կողմերը կրկին հարվածներ փոխանակեցին:Հակամարտությունը մինչ օրս մնում է չկարգավորված: Շարունակվող լարվածության ֆոնին նավագնացությունը Հորմուզի նեղուցով գործնականում դադարեցվել է: