armenpress.am Առաջարկվող նոր անձնագրերը բովանդակային և գործառնական առումով համադրելի չեն ներկայում 1000 դրամով տրամադրվող անձնագրերի հետ։ Այս մասին նշել է ՀՀ ՆԳ նախարար Արփինե Սարգսյանն՝ անդրադառնալով կենսաչափական փաստաթղթերի արժեքին։ Նրա խոսքով՝ համեմատությունը պետք է կատարել նախկինում 25 հազար դրամով տրամադրվող կենսաչափական անձնագրերի հետ․ «Նախկինում տրամադրված կենսաչափական անձնագրերը չեն սպասարկվել օտարերկրյա պետությունների սահմանային անցակետերի «e-gate» ավտոմատացված համակարգերով, քանի որ չի իրականացվել Քաղաքացիական ավիացիայի միջազգային կազմակերպության միջոցով տեղեկատվության փոխանակման գործընթացը, որն անհրաժեշտ է այլ երկրներում անձնագրի տվյալների իսկությունը ստուգելու համար»։ Արփինե Սարգսյանի խոսքով՝ ներդրվող կենսաչափական համակարգը կապահովի անվտանգության բարձր մակարդակ, էապես կնվազեցնի փաստաթղթերի կեղծման հավանականությունը և քաղաքացիներին հնարավորություն կտա օգտվելու թվային ծառայություններից, իսկ որոշ ժամանակ անց՝ նաև «e-gate» համակարգերից։ Նախարարն ընդգծել է, որ համակարգի ներդրումը նաև վիզաների ազատականացման գործողությունների ծրագրի կարևոր բաղադրիչներից է։ Անդրադառնալով գնագոյացմանը՝ նախարարը նշել է, որ առաջարկվող արժեքում պետական շահույթ ներառված չէ։ Այն ձևավորվել է բաց և թափանցիկ մրցույթի արդյունքում՝ մասնավոր գործընկերոջ առաջարկի հիման վրա։ Մրցույթի մյուս մասնակիցը ևս ներկայացրել է համանման գնային առաջարկ, իսկ ընտրված առաջարկի արժեքն ավելի ցածր է եղել։ Շարունակությունը՝ սկզբնաղբյուր կայքում The post Տարիներ շարունակ 25 հազար դրամով տրամադրված անձնագրերը չեն ապահովել կենսաչափական համակարգի լիարժեք հնարավորությունները․ ՆԳ նախարար | armenpress.am appeared first on Infocom .