Մարդիկ կշարունակեն կորցնել իրենց աշխատանքն արհեստական ​​բանականության պատճառով, քանի որ բիզնեսի խթանման համակարգը սխալ է, այն ազդարարում է՝ Վարձիր ռոբոտ, ազատիր մարդու, և ամեն ինչ լավ կլինի ․ հայտարարել է Microsoft-ի համահիմնադիր Բիլ Գեյթսը։ The Observer-ին տված հարցազրույցում նա նեյրոնային ցանցերի դարաշրջանը նկարագրել է որպես էվոլյուցիոն իրադարձություն , որի ընթացքում մարդիկ դադարում են լինել մոլորակի ամենախելացի էակները։ Գեյթսը կարծում է, որ աշխատաշուկան կբախվի լուրջ ցնցումների, քանի որ արհեստական ​​բանականությունը կփոխարինի գրեթե բոլոր մասնագետներին՝ ոչ միայն մտավոր գործով զբաղվողներին, այլև, ռոբոտների ի հայտ գալով, նաև ֆիզիկական աշխատանք կատարողներին։ Microsoft-ի նախկին ղեկավարը համոզված է՝ կառավարությունները ստիպված կլինեն եկամտի նոր աղբյուրներ փնտրել՝ աշխատանքը կորցրած մարդկանց կարիքները, ապագա կրթությունը և վերապատրաստումը ֆինանսավորելու համար։ Գեյթսը կողմ է արտահայտվում նաև արհեստական բանականության օգտագործման համար հարկերի ներդրմանը՝ հնարավոր է տոկենների հարկի տեսքով։