ՀՀ կրթության, գիտության, մշակույթի և սպորտի նախարարությունում տեղի է ունեցել հերթական գործակարգավարական խորհրդակցությունը, որը վարել է նախարար Ժաննա Անդրեասյանը։ Նիստին մասնակցել են նախարարի տեղակալները, ենթակա մարմինների և ստորաբաժանումների ղեկավարները։ Ինչու է դա կարևոր. Խորհրդակցության առանցքում եղել են ուսումնական հաստատությունների ջեռուցման ապահովման պատրաստվածությունը, կապիտալ ծախսերի կատարողականը, ինչպես նաև բուհերի ընդունելության քննությունների ցանկի հաստատման որոշման նախագիծը։ Նախարարը հանձնարարել է հետևողական լինել կապիտալ ծրագրերի ժամկետների պահպանման նկատմամբ և ապահովել մինչև տարեվերջ նախատեսվող բյուջետային վերաբաշխումների նախագծերի սեղմ ժամկետներում շրջանառումը։ Խորհրդակցության հիմնական ուղղությունները. Ջեռուցման շրջան. Հանձնարարվել է ապահովել դպրոցներում և ուսումնական հաստատություններում ջեռուցման համակարգերի անխափան աշխատանքը։ Բարձրագույն կրթություն. Քննարկվել է բուհերի ընդունելության քննությունների ցանկի հաստատման որոշման նախագիծը։ Ուսուցիչների կամավոր ատեստավորում. Կարևորվել է կամավոր ատեստավորման գործընթացի պատշաճ ու անխափան կազմակերպումը։ Վերահսկողություն և բյուջե. Հանձնարարվել է անհրաժեշտության դեպքում իրականացնել մշտադիտարկման (մոնիթորինգի) այցեր կապիտալ ծրագրերի օբյեկտներ և արագացնել բյուջետային վերաբաշխումների իրավական ակտերի ընդունումը։