ԵՐԵՎԱՆ, 26 հոկտեմբերի – Sputnik. Թուրքիայի նախագահի խորհրդական Օկտայ Սարալին աշխատանքից ազատել են Ադրբեջանի իշխանություններին քննադատելուց հետո։ Այս մասին գրում է «Cumhuriyet»-ը։Ավելի վաղ Սարալը հայտարարել էր, որ հիջաբով աշակերտուհիների ուսումը խոչընդոտելն անթույլատրելի է: Նա կոչ էր արել վերացնել արգելքը, որից հետո Ադրբեջանի իշխող «Ենի Ադրբեջան» կուսակցությունը մի քանի թուրք քաղաքական գործիչների մեղադրել էր երկրի ներքին գործերին միջամտելու մեջ։«Middle East Eye»-ի տվյալներով՝ Բաքուն է պահանջել, որ նրան ազատեն պաշտոնից։Հիշեցնենք` Թուրքիայի կրոնական և պահպանողական իշխանամերձ շրջանակները քննադատում են ադրբեջանական դպրոցներում հիջաբ կրելու սահմանափակումները՝ դրանք համեմատելով կոշտ սեկուլյարիստական միջոցների պատմական շրջանի հետ։Թուրքիայում դժգոհ են նաև նաև Ադրբեջան–Իսրայել հարաբերություններից և միջազգային ասպարեզում Բաքվի դիրքորոշումից։ Միևնույն ժամանակ Բաքուն հայտարարում է, որ Ադրբեջանը, ինչպես և Թուրքիան, աշխարհիկ պետություն է, ուստի կրթական քաղաքականությունը քաղաքական մանիպուլյացիայի առարկա դարձնելն անթույլատրելի է։Իրանի փոխնախագահը հիջաբով ադրբեջանցի ուսանողներին առաջարկել է իրանական բուհերում սովորել