Համատարած 90%-ը բնորոշ է դիկտատորական ռեժիմներին, որտեղ այլակարծությունը համատարած հետապնդվում է։ Մի հատ էլ խորհրդարանական ընտրություններում քպ-ն հավաքի 70+ տոկոս, որպեսզի Հայաստանը դառնա Ադրբեջանի նման և համալրի մյուս դիկտատորական ռեժիմների ակումբը։ Իսկ իրականում` սա ցուցիչ է առ այն, որ արմատական ընդդիմության կերպարի ստեղծումը մինչև խորհրդարանական ընտրությունները, և արդեն խորհրդարանում այդ կերպարի փոխակերպումը առաջացնում է վակուում։ Հիմնական` արմատական ընդդիմություն շարունակում է մնալ «Հայաստան» դաշինքը, որի հանրային և սոցիալական հենարանը մեծ չէ, «Ուժեղ Հայաստանը» արդեն հունիսի 7-ից հետո այն չէ, ինչ կար մինչև հունիսի 7-ը, և դա մեծապես իր անհասկանալի մարտավարության ու գործողությունների, հայտարարությունների, առաջնահերթությունների պատճառով։ ՏԻՄ ընտրությունները գոնե այս անգամ չափազանց քաղաքականացված են, և դրանց արդյունքները խոսում են սպասվող ներընդդիմադիր վակուումի մասին… Ու ՏԻՄ ընտրություններից հետո Փաշինյանը առավել հակված կլինի արտահերթ ընտրությունների, որտեղ ընդդիմությունն այս տեսքով այլևս գործոն չի լինի։ Արա Պողոսյան, քաղաքագետ The post Համատարած 90%-ը բնորոշ է դիկտատորական ռեժիմներին. Արա Պողոսյան appeared first on Ազգ .