Լոս Անջելեսում ՀՀ գլխավոր հյուպատոսությունից հայտնում են, որ սոցիալական ցանցերում տարածվող այն հրապարակումները, թե իբր «Լոս Անջելեսում ՀՀ գլխավոր հյուպատոսությունը քաղաքացիներին հրավիրում է ընդունելության առանց ժամադրության՝ նրանց ԱՄՆ ներգաղթի և մաքսային ծառայություններին հանձնելու նպատակով», կեղծ են և բացարձակապես չեն համապատասխանում իրականությանը։ «Հյուպատոսության կարևորագույն գործառույթներից է ՀՀ քաղաքացիների իրավունքների և օրինական շահերի պաշտպանությունը: Կոչ ենք անում զերծ մնալ ապատեղեկատվության տարածումից»,- ասվում է հաղորդագրությունում։ The post Լոս Անջելեսում ՀՀ գլխավոր հյուպատոսությունը՝ քաղաքացիներին առանց ժամադրության ընդունելու լուրերի մասին appeared first on Infocom .