ԵՐԵՎԱՆ, 25 հոկտեմբերի – Sputnik. Իրանի առաջին փոխնախագահ Մոհամմադ Ռեզա Արեֆը կոչ է արել ադրբեջանցի աղջիկներին և կանանաց, որոնք հիջաբ կրելու պատճառով բախվում են սահմանափակումների, շարունակել կրթությունը իրանական բուհերում։ Այս մասին տեղեկանում ենք Mehr գործակալությունից։ Հայտարարությունը հնչել է Ադրբեջանի ուսումնական հաստատություններում հիջաբով իգական սեռի ուսանողների և դասախոսների նկատմամբ սահմանափակումների ֆոնին։ Այս միջոցները բողոքներ են առաջացրել։ Ավելի վաղ Թեհրանի համալսարանի «Բասիջ» ուսանողական կազմակերպությունը բողոք էր հայտնել ենթադրյալ սահմանափակումների դեմ՝ Ադրբեջանի դեսպանատան մոտ պաստառ տեղադրելով։