Դիտարկված 380 տեղամասերից խախտումներ արձանագրել ենք 87-ում կամ շուրջ 23%-ում։ Այս մասինն հայտարարել է «Անկախ դիտորդ» դիտորդական առաքելության ղեկավար Արթուր Սաքունցը։ «Արձանագրվել է ընտրողների ապօրինի վերահսկողության 4 դեպք, գտնվելու իրավունքի կամ լիազորությունների խախտման 19 դեպք, քվեարկության գաղտնիության խախտման 22 դեպք, քվեարկության օրը քարոզչության 5 դեպք, կոնֆլիկտային իրավիճակի 4 դեպք», – նշել է Սաքունցը՝ հայտնելով, որ դիտորդների բարձրաձայնած խախտումների շուրջ 60 տոկոսը շտկվում է։ Սաքունցը արձանագրում է, որ տեղամասերի մոտ կուտակումներ կան․ «Մենք, օրինակ, այստեղ ենք՝ Բյուրական համայնքում, տեղամասի մոտ կուտակումներ, մեքենաներ են առկա և շարունակաբար, ոստիկանությունը ներկա է, բայց բացարձակապես մատը մատին չի տալիս։ Ավելի շատ կուտակումները վերաբերվել են ՔՊ-ին։ Միայն 5 դեպքում է, որ դիտորդները խախտումները կապել են այլ կուսակցության հետ»։ «Անկախ դիտորդ»-ից արձանագրում են, որ քարոզչություն է նկատվել հատկապես ՔՊ կուսակցության օգտին 35/14 տեղամասում․ ՔՊ վստահված անձը մեքենայի վրա փակցված պաստառով շրջել է տեղամասի տարածքում։ Վստահված անձանց կողմից նաև ուղորդումներ են եղել 21/77, 21/41, 12/04, 32/05 տեղամասերում՝ ՔՊ ներկայացուցիչների կողմից։ Օրինակ հանձնաժողովի անդամը ուղղորդել է ՔՊ-ի կողմից՝ «քվեարկում ես ՔՊ, մնացածը մի կողմ դնում» արտահայտությամբ։ Ըստ դաշինքի՝ 1:30-ի դրությամբ բուն տեղամասային կենտրոններից լիովին անմատչելի են գնահատվել 35 տոկոսը։ 5 տոկոսում քվեարկության սենյակը 2-րդ հարկում է եղել։ «Ստեփանավանի 25/2 տեղամասում քվեարկության սենյակը 2-րդ հարկում է, ընտրողներից մեկը կաղալով մի կերպ բարձրանում էր․ նման պայմաններում քվեարկության կազմակերպումը բարենպաստ չէ նման խնդիրներ ունեցող մարդկանց համար»,- ասաց Արթուր Սաքունցը։ Նա նշեց, որ տեղամասային կենտրոնների 16 տոկոսում դիտորդները սենյակային պայմանները անբավարար են գնահատել։ Դրանք հիմնականում պայմանավորված են եղել լուսավորությամբ, 22 տոկոսում անբավարար են գնահատվել՝ կապված ջեռուցման հետ։ 10 տեղամասում գրանցվել են խախտումներ գրանցամատյանում վստահված անձանց ելումուտի գրանցման հետ կապված, տեղամասում ներկա են եղել 1-ից ավելի վստահված անձինք։ «21/56 և մի քանի այլ տեղամասերում արձանագրել ենք, որ տեղամասի կահավորանքն այնպիսին է, որ հնարավորություն են տալիս տեսնելու, թե մարդն ում օգտին է քվեարկում։ Ընտրատեղամասերի դիմաց որոշ դեպքերում արձանագրել ենք քաղաքացիական հագուստով քրեական ոստիկանության աշխատակիցների կուտակում․ նրանք պետք է իրենց աշխատանքն իրականացնեն, երբ կասկածներ կան քրեորեն պատժելի արաքների վերաբերյալ, բայց երբ կուտակումը շարունակական բնույթ է կրում, ապա դա չի կարելի։ 25/27 տեղամասում ոստիկանը արդեն մասնակցած քաղաքացիների թիվ է ճշտել։ Թե ինչու է պետք եղել, ոչ մի բացատրություն չունի։ Սա հարց է, որին պետք է ուշադրություն դարձնենք»,- նշեց Սաքունցը։ Մեկ այդ դեպքում, 12/58-ում տեղամասում ամուսիններ են քվեարկել միմյանց փոխարեն, մատյանում չի արձանագրվել։ 34/2 մաքրուհու համազգեստով կինը հայտարարել է իր քվեարկության մասին, նախագահը սաստել է, բայց քվեարկել, հեռացել է։ Դեպքը կրկին չի արձանագրվել։ 26/01-ում քվեարկողը խցիկից դուրս է եկել հեռախոսի տեսախցիկը միացրած։ The post «Անկախ դիտորդ»-ը արձանագրել է քվեարկության գաղտնիության խախտման, քարոզչության, կուտակումների, ուղղորդումների դեպքեր appeared first on Infocom .