news.am ԱՄՆ-ն մտավախություն ունի, որ Իրանը անցել է երկրի ներսում և արտերկրում ամերիկացի պաշտոնյաների դեմ հարձակումներ նախապատրաստելու փուլին։ Միևնույն ժամանակ, աղբյուրների գնահատմամբ, Թեհրանը կարծում է, որ Վաշինգտոնն ու Իսրայելը պատրաստվում են նոր լայնածավալ հարված հասցնել Իրանին։ Աճող փոխադարձ կասկածամտությունը մեծացնում է հակամարտության սրման վտանգը՝ մինչև լիակատար պատերազմի, գրում է The New York Times-ը։ Ամերիկացի պաշտոնյաները կենտրոնացած են հետախուզական տվյալների վրա, որոնք վերաբերում են Մերձավոր Արևելքում ԱՄՆ-ի դեսպանների և Միացյալ Նահանգների տարածքում ամերիկացի ներկայացուցիչների սպանության Իրանի հնարավոր ծրագրերին։ Պարբերականի տվյալներով, նման գործողությունների նախապատրաստմանը կարող է առնչություն ունենալ Իսլամական հեղափոխության պահապանների կորպուսի էլիտար 840 ստորաբաժանումը, որը նախկինում արտերկրում կազմակերպել է առևանգումներ և մահափորձեր։ Ընդ որում, նախկինում Իրանի՝ սպանությունների համար կատարողներ վարձելու փորձերը հաճախ խափանվել են դեռևս մինչև հանցագործությունների իրականացումը։ Ամերիկացի և եվրոպացի պաշտոնյաների վկայությամբ, հնարավոր հարձակումների մասին տեղեկությունները ստացվել են վերջին շաբաթներին, այդ թվում՝ այն բանից հետո, երբ ենթադրյալ իրանական դավադրություն է բացահայտվել Մեծ Բրիտանիայում գտնվող ռազմական բազայի դեմ, որն օգտագործվում է ամերիկյան զինված ուժերի կողմից։ Նշենք, որ ավելի վաղ հայտնի էր դարձել, որ ԱՄՆ զինված ուժերը Մերձավոր Արևելքի տարբեր երկրներից տարհանում են դիվանագետներին և նրանց ընտանիքների անդամներին՝ մտավախությունների ֆոնին, որ Դոնալդ Թրամփը կարող է հաջորդ ամիս միանալ հութիների դեմ հարվածներին և նոր հարվածներ հասցնել Իրանին։ ԱՄՆ Պետդեպարտամենտը հրահանգել է Սաուդյան Արաբիայում իր դիվանագիտական ներկայացուցչություններից հեռանալ որոշ դիվանագետների և նրանց ընտանիքների անդամներին։ Միաժամանակ մշակվում են այլ երկրներում ԱՄՆ դեսպանատներից անձնակազմի հետագա տարհանման ծրագրեր։ Հաղորդվում է նաև, որ Պենտագոնը դուրս է բերում ամերիկացի զինվորականներին տարածաշրջանի ռազմակայաններից։ Շարունակությունը՝ սկզբնաղբյուր կայքում The post ԱՄՆ-ն մտավախություն ունի, որ Իրանը մահափորձեր է նախապատրաստում ամերիկացի դեսպանների դեմ․ NYT | news.am appeared first on Infocom .