Հոկտեմբերի 25-ին՝ ժամը 1․35-ին, ՆԳՆ ոստիկանության գվարդիայի ծառայողները Սարյան փողոցում գողություն կատարելու կասկածանքով ձերբակալել են 28-ամյա տղամարդու։ Նախնական տվյալներով՝ նա Սարյան փողոցի հասցեներից մեկում կայանված Ռենջ Ռովեր մակնիշի ավտոմեքենայի սրահից հափշտակել է երկու պայուսակ՝ անձնական իրերով։ Սակայն գողությունն ավարտին չի հասցրել, շրջիկ ծառայություն իրականացնող գվարդիայի ծառայողների կողմից ձերբակալվել է։ Նա և կազմված փաստաթղթերը ներկայացվել են նախաքննական մարմին,- հայտնում է ՆԳՆ ոստիկանությունը։