Պետք է դադարեցնել Իրանի առաջնորդների ոչնչացումը, որպեսզի որևէ մեկի հետ հնարավոր լինի բանակցել, հայտարարել է ԱՄՆ նախագահ Դոնալդ Թրամփը Ջորջիա նահանգում նախընտրական հանրահավաքի ժամանակ:Նա նշել է, որ 2018 թվականին «միջուկային գործարքից» դուրս գալու որոշումը կայացվել էր ճգնաժամային պահին, որպեսզի Թեհրանին թույլ չտան միջուկային զենք ձեռք բերել:ԱՄՆ ղեկավարը վերահաստատել է, որ Միացյալ Նահանգները պարտության են մատնել Իրանին՝ ռազմական, ֆինանսական և այլ առումներով: «Մենք պետք է անենք ամեն ինչ, որպեսզի նրանք երբեք և ոչ մի պարագայում միջուկային զենք չունենան»,- հավելել է նա:Նախընտրական հանրահավաքից առաջ լրատվամիջոցների հետ զրույցում Թրամփը հիմարություն է անվանել The Wall Street Journal-ի լրագրողի հարցն այն մասին, թե երբ կարող է ԱՄՆ-ն հարված հասցնել Իրանին՝ նշելով, որ Վաշինգտոնը դիտարկում է ինչպես ուժային սցենարը, այնպես էլ Թեհրանի հետ գործարք կնքելու հնարավորությունը:Ավելի վաղ ԱՄՆ նախագահը հայտարարել էր, որ «ոչինչ չգիտի» հանգստյան օրերին Իրանին ԱՄՆ-ի կողմից հնարավոր հարվածի մասին:ԱՄՆ-ն և Իսրայելը փետրվարի 28-ին սկսել էին հարվածներ հասցնել Իրանի օբյեկտներին, ինչին իրանական կողմը պատասխանել էր իր հարվածներով: Հունիսի կեսերին Թեհրանն ու Վաշինգտոնը ռազմական գործողությունների դադարեցման մասին հուշագիր էին ստորագրել, սակայն ավելի ուշ կրկին հարվածներ էին փոխանակել: Հակամարտությունը մնում է չկարգավորված: