Կրեմլի խոսնակ Դմիտրի Պեսկովը «ՌԻԱ Նովոստի»-ին հայտնել է, որ Օլեշկիում հումանիտար առաքելություն իրականացնելու շուրջ ձեռք բերված պայմանավորվածություններից հետո Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև հեռախոսազրույց անցկացնելու ծրագրեր ներկայումս չկան։ «Ոչ, այս պահին նման ծրագրեր չկան», – ասել է նա։ Օլեշկիում հումանիտար առաքելություն կազմակերպելու վերաբերյալ պայմանավորվածությունը ձեռք է բերվել ԱՄՆ առաջին տիկին Մելանյա Թրամփի միջնորդությամբ։ Ռուսական կողմից բանակցությունները վարել է Ռուսաստանի Դաշնությունում մարդու իրավունքների հարցերով ներկայացուցիչ Յանա Լանտրատովան, իսկ ուկրաինական կողմը ներկայացված է եղել Ուկրաինայի օմբուդսմեն Դմիտրի Լուբինեցի կողմից։ Ավելի վաղ Պեսկովը լրագրողներին տեղեկացրել էր, որ Մելանյա Թրամփը համակարգող դեր է ստանձնել Օլեշկիում հումանիտար առաքելության կազմակերպման գործում։ –00—ՅՄ The post Պուտինի և Թրամփի միջև ներկայումս նոր զրույց նախատեսված չէ. Պեսկով appeared first on 24News .