ԵՐԵՎԱՆ, 24 հոկտեմբերի — Sputnik. Եմենի հյուսիսում իշխող «Անսար Ալլահ» շարժումը (հութիներ) հայտարարել է, որ բալիստիկ հրթիռների և անօդաչու թռչող սարքերի կիրառմամբ հարձակվել են Էր Ռիադի օդանավակայանի և «Saudi Aramco»–ի (Սաուդյան Արաբիայի ազգային նավթային ընկերություն) օբյեկտների վրա։«Եմենի զինված ուժերն իրականացրել են յոթ ռազմական գործողություն, որոնց թիրախում են եղել Էր Ռիադի Խալիդ թագավորի անվան միջազգային օդանավակայանը, Յանբուում «Aramco» ընկերության օբյեկտները, Ռաբիղի նավթավերամշակման գործարանը, «Արևելք-Արևմուտք» նավթամուղը, Դամմամի Ֆահդ թագավորի անվան միջազգային օդանավակայանը, Նաջրանի օդանավակայանը, ինչպես նաև Խամիս Մուշեյթի ավիաբազան», - «Al Masirah» հեռուստաալիքի եթերում հայտարարել է հութիների ռազմական ներկայացուցիչ Յահյա Սարիան։Հիշեցնենք` Եմենի «Անսար Ալլահ» շարժման (հութիներ) և Սաուդյան Արաբիայի կողմից աջակցություն ստացող կառավարամետ բանակի միջև ռազմական դիմակայությունը չորս տարվա դադարից հետո վերսկսվեց հուլիսի կեսերին։ Այս ընթացքում հութիներին հաջողվել է զբաղեցնել Կարմիր ծովի ամբողջ արևմտյան ափը և Բաբ–էլ-Մանդեբ նեղուցի մոտ գտնվող քաղաքները։1 մարդ մահացել է, 11–ը՝ վնասվածքներ ստացել. Էր Ռիադի օդանավակայանին հարվածելու կադրերը