Թուրքիայի հարավ-արևելքում՝ Մարդին նահանգի Նուսայբին շրջանում, վեց մարդ, այդ թվում՝ չորս երեխա, մահացել է այն բանից հետո, երբ նրանց մեքենան ընկել է ջրանցքը, հայտնում է Hürriyet թերթը։ Ըստ հրապարակման՝ պատահարը տեղի է ունեցել Նուսայբին–Ջիզրե ճանապարհին՝ Թեփեալթը գյուղական թաղամասի մոտակայքում։ Վարորդը կորցրել է մեքենայի կառավարումը, ինչի հետևանքով այն դուրս է եկել ճանապարհից և ընկել ջրանցքը։ «Դեպքի վայր ժամանած բուժաշխատողները, հրշեջները մեքենայի մեջ հայտնաբերել են չորս երեխայի դի։ Երկու կին տեղափոխվել են Նուսայբինի պետական ​​հիվանդանոց։ Չնայած բուժանձնակազմի ջանքերին՝ նրանց կյանքը փրկել չի հաջողվել», – նշում է թերթը։ Հրապարակման մեջ նշվում է նաև, որ մահացած երեխաները 5-ից 11 տարեկան էին։ –00—ՅՄ The post Թուրքիայում ավտովթարի հետևանքով վեց մարդ է մահացել, այդ թվում՝ չորս երեխա appeared first on 24News .