Ֆրանսիայի իրավապահները արցունքաբեր գազ են կիրառել Լիոնում բողոքի ակցիայի շուրջ 150 մասնակցի ցրելու համար։ Այս մասին հայտնում է Euronews հեռուստաալիքը։ Ցուցարարները հավաքվել են Լիոն-3 համալսարանի մոտ, որը գտնվում է մի շրջանում, որտեղ իշխանություններն ավելի վաղ արգելել էին զանգվածային միջոցառումների անցկացումը։ Europe 1 ռադիոկայանի հաղորդմամբ՝ ակցիայի մասնակիցները փորձել են փակել ճանապարհը, ինչից հետո ոստիկանները կիրառել են արցունքաբեր գազով մի քանի նռնակ։ Ֆրանսիայի իշխանություններն ուժեղացրել են անվտանգության միջոցառումները այն շրջաններում, որտեղ ցույցերի անցկացումն արգելված է՝ անկարգությունների կրկնությունը կանխելու նպատակով։ Լիոնում ակցիայի ցրման ընթացքում բերման ենթարկվածների և տուժածների վերաբերյալ տեղեկություններ դեռևս չեն հաղորդվում։ The post Լիոնում ոստիկանությունը արցունքաբեր գազ է կիրառել ցուցարարներին ցրելու համար appeared first on Alphanews .