Լրագրողը սուբյեկտ է, որը պետք է ունենա իր սկզբունքները, արժեքները։ «Հանրամեդիա» հաղորդմանն այդ մասին ասել է Media.am կայքի գլխավոր խմբագիր Գեղամ Վարդանյանը։ Նրա խոսքով, կարևոր է, որ լրագրողը չկեղծի։ Հանրային ռադիոյի եթերում հեռարձակվող «Հանրամեդիա» հաղորդմանը բանախոսները Լևոն Սարդարյանի հետ քննարկում են մեդիայի առաքելությունը, ներկայիս խնդիրները, ապագան։ «Radar» կայքի լրագրող Քերոբ Խաչատրյանն էլ կարծում է, թե լրագրողը պետք է ունենա քաղաքական տեսակետ։ Ըստ բանախոսի, լրագրողական չեզոքությունը միֆ է. կարևոր է պարկեշտ լինելը։