Ավստրիան ՌԴ չորս դիվանագետի հայտարարել է անցանկալի անձ և արտաքսել երկրից։ Նրանցից երեքը աշխատում էին Վիեննայում ՌԴ դեսպանատանը, իսկ չորրորդը եղել է ԵԱՀԿ-ին կից ՌԴ մշտական ներկայացուցչությունում: Այս մասին հոկտեմբերի 23-ին հայտնել է ավստրիական Profil ամսագիրը, ավելի ուշ տեղեկությունը՝ երկրի արտգործնախարարությանը հղումով, հաստատել են մյուս լրատվամիջոցները: ԱԳՆ հաղորդագրության մեջ ասվում է, որ որոշումն ընդունվել է անվտանգության մարմիններից ստացված տվյալների հիման վրա: Նշվում է, որ չորս ռուսաստանցին զբաղվել են իրենց դիվանագիտական կարգավիճակի հետ անհամատեղելի գործունեությամբ: Մեկնաբանելով որոշումը՝ Ռուսաստանի ԱԳՆ-ն հայտարարել է, որ «պատասխանն անմիջապես կհետևի»։ Ավստրիայի արտգործնախարարության տվյալներով՝ Վիեննայում ՌԴ դեսպանատանն աշխատում է ընդհանուր առմամբ 48 դիվանագետ։ Եվս 23 քաղաքացի ընդգրկված է ԵԱՀԿ-ին կից ՌԴ մշտական առաքելության կազմում։ Գրառումը Ավստրիան հայտարարում է ՌԴ չորս դիվանագետի արտաքսման մասին appeared first on .