ԵՐԵՎԱՆ, 24 հոկտեմբերի – Sputnik․ Շիրակի մարզի Արթիկ խոշորացված համայնքում բերման են ենթարկվել «Ապրելու երկիր» և «Հայրենիք» կուսակցությունների անդամներ ու ավագանու թեկնածուներ։ Այս մասին գրում է «Հրապարակը»։Լրատվամիջոցի տեղեկություններով՝ կոմիտե է տեղափոխվել նաև «Ապրելու երկիր» կուսակցության համայնքապետի թեկնածու Արթուր Աստոյանը, սակայն անհայտ է, թե ինչ կարգավիճակով։ Նախնական տեղեկություններով՝ նա հրավիրվել է որպես վկա։Sputnik Արմենիային դեռևս չի հաջողվել մեկնաբանություն ստանալ Հակակոռուպցիոն կոմիտեից։Հիշեցնենք, որ հոկտեմբերի 25-ին համամասնական ընտրակարգով ՏԻՄ ընտրություններ են նաև Արթիկ խոշորացված համայնքում։ Մասնակցում են 4 քաղաքական ուժեր՝ «Ազատ դեմոկրատներ» կուսակցություն (ցուցակը գլխավորում է Մխիթար Վարագյանը), «Ապրելու երկիր» կուսակցություն (ցուցակը գլխավորում է Արթուր Աստոյանը), 3. «Հայրենիք» կուսակցություն (ցուցակը գլխավորում է Լևոն Վահրադյանը), «Քաղաքացիական պայմանագիր» կուսակցություն (նախընտրական ցուցակը գլխավորում է Անանիկ Ոսկանյանը)։