ԵՐԵՎԱՆ, 24 հոկտեմբերի — Sputnik. Իրանի նախագահ Մասուդ Փեզեշքիանը հոկտեմբերի վերջին Մոսկվա կատարելիք այցի ընթացքում մտադիր է ՌԴ նախագահ Վլադիմիր Պուտինի հետ քննարկել տնտեսական համագործակցությունը, էներգետիկ անվտանգությունն ու աշխարհաքաղաքական հարցերը։ ՌԻԱ Նովոստիին այս մասին հայտնել է Ռուսաստանում Իրանի դեսպան Քազեմ Ջալալին։Նա նաև նշել է, որ երկու երկրների նախագահները մտքեր կփոխանակեն աշխարհաքաղաքական, միջազգային և քաղաքական հարցերի շուրջ։Ջալալին հիշեցրել է, որ վերջին ամիսներին Իրանի և Ռուսաստանի նախագահները բազմիցս հանդիպել են և քննարկել տարբեր հարցեր՝ անդրադառնալով թեմաների լայն շրջանակի։Միաժամանակ նա հավելել է, որ առաջիկա այցի ընթացքում երկու երկրների նախագահները որևէ փաստաթուղթ չեն ստորագրի։Հոկտեմբերի 19-ին Թեհրան կատարած այցի ընթացքում ՌԴ արտգործնախարար Սերգեյ Լավրովը Իրանի նախագահ Մասուդ Փեզեշքիանին հայտնել էր, որ ՌԴ նախագահ Վլադիմիր Պուտինը հոկտեմբերի վերջին նրան սպասում է Մոսկվայում կայանալիք Գազ արտահանող երկրների համաժողովին և ակնկալում է հանդիպել նրա հետ։ՌԴ–ն պատրաստ է ամեն ինչ անել Իրանին օգնելու համար. Պուտինը՝ Փեզեշքիանին