Իրանի նախագահ Մասուդ Փեզեշքիանի հոկտեմբերի վերջին Ռուսաստան կատարելիք այցի ընթացքում նախատեսվում է նրա հանդիպումը Ռուսաստանի նախագահ Վլադիմիր Պուտինի հետ, «ՌԻԱ Նովոստիին» հայտնել է Մոսկվայում Իրանի դեսպան Քազեմ Ջալալին։ Հոկտեմբերի 19-ին, Թեհրան կատարած այցի ժամանակ, Ռուսաստանի արտաքին գործերի նախարար Սերգեյ Լավրովը Փեզեշքիանին տեղեկացրեց, որ իր ռուս գործընկեր Վլադիմիր Պուտինը սպասում է իրեն հոկտեմբերի վերջին Մոսկվայում կայանալիք Գազ արտահանող երկրների ֆորումի (GECF) գագաթնաժողովում և հույս ունի երկկողմ հանդիպում ունենալ։ «Բացի Գազ արտահանող երկրների գագաթնաժողովին մասնակցելուց, պարոն Փեզեշքիանը նաև կհանդիպի և կքննարկի հարցեր Մոսկվայում ներկա մի շարք պետությունների ղեկավարների հետ։ Նախատեսվում է նաև հանդիպում երկու երկրների (Ռուսաստանի և Իրանի՝ խմբ.) նախագահների միջև», – ասել է Իրանի դեսպանը։