ԵՐԵՎԱՆ, 23 հոկտեմբերի - Sputnik. Ռուսաստանցի մասնագետներըպատրաստ են Հայաստանին ներկայացնել իրենց փորձը և տրամադրել հնարավորությունները՝ ուսումնասիրելու թուրանական վագրի (հայտնի է նաև որպես կասպյան կամ անդրկովկասյան) պոպուլյացիայի վերականգնման հնարավորությունը, եթե Երևանը դիմի խորհրդատվական կամ գործնական օգնության: Երևանում ընթացող COP17 համաժողովի շրջանակներում Sputnik Արմենիայի հետ զրույցում այս մասին ասաց «Ամուրյանվագր» կենտրոնի գլխավոր տնօրեն Սերգեյ Արամիլևը։Նրա խոսքով՝ Հայաստանում դեռևս գիտական հետազոտություններ չեն իրականացվել, որոնք թույլ կտային պարզել՝ պահպանվե՞լ են վագրի բնակության համար պիտանի տարածքներ: Ղազախստանում թուրանական վագրի պոպուլյացիայի վերականգնման նախագծի արդյունքները գնահատելուց հետո նմանատիպ հետազոտություններ կարող են իրականացվել նաև այլ երկրներում, որտեղ այդ ենթատեսակը նախկինում ապրել է:Խոշոր կաթնասունների պոպուլյացիաների վերականգնումը և նոր պայմաններին կենդանիների հարմարեցումը շարունակում են մնալ համաշխարհային լուրջ խնդիրներ։ Թուրանականվագրըմիշարքերկրներում անհետացել է դեռևս 20-րդ դարի կեսերին. հետազոտողներիմեծմասըհամակարծիք է, որ ենթատեսակը վերջնականապես վերացել է 1970-ականներին: Փորձագետի խոսքով՝ երկար ժամանակ տեսակի վերականգնումը համարվում էր բարդ խնդիր, քանի որ բացակայում էին փորձարկված մեթոդներ, որոնք թույլ կտային նվազեցնել գիշատիչների և մարդկանց միջև բախումների վտանգը։Արամիլևի խոսքով՝ Ղազախստանում նախագիծը մեկնարկել է 2010 թվականին։ Դրա հիմնական խնդիրներից մեկը վագրի բնական կենսամիջավայրի վերականգնումն էր։ Մասնագետների կուտակած փորձը և մշակած մեթոդները հնարավորություն են տվել անցնելու հաջորդ փուլին՝ կենդանիներին նախապատրաստված պայմաններ վերադարձնելուն։Մեր զրուցակիցն ընդգծում է՝ գիշատիչներինանհամապատասխան միջավայր բաց թողնել անթույլատրելի է, դա կարող է հանգեցնելկենդանիների մահվան և նախագիծը վերածել ձևական՝ առանց բնապահպանական արդյունքի ակցիայի: Մարդկանց համար պոտենցիալ վտանգավոր գիշատչի չմտածված վերադարձը կարող է հանգեցնել հարձակումների, վնասվածքների և մահվան, ինչպես նաև խափանել հասարակության աջակցությունը այլ տեսակների վերականգնման հետագա ծրագրերին: Հետևաբար, նման փորձերը պահանջում են կենդանաբանների, կենսաբանների և բնապահպանների պատասխանատու մոտեցում:Արամիլևը հավելեց, որ Ռուսաստանն ու Հայաստանը նույնպես սերտորեն համագործակցում են բնապահպանական կոնվենցիաների շրջանակներում և անդրսահմանային բնապահպանական հարցերի շուրջ: Այդ գործակցությունը թույլ է տալիս փոխանակել փորձ և ընդունել որոշումներ, որոնք ուղղված են երկու երկրների բնական համալիրների պահպանմանը։