Որքա՞ն արժութային պահուստ ունի Իրանը. ԿԲ նախագահի պատասխանը

ԵՐԵՎԱՆ, 23 հոկտեմբերի – Sputnik. Իրանի արժութային պահուստները բավարար են մինչև ԱՄՆ նախագահ Դոնալդ Թրամփի նախագահության ժամկետի ավարտը (2029 թվականի հունվար) ներմուծումն ապահովելու համար: Այս մասին հայտարարել է Իրանի կենտրոնական բանկի ղեկավար Աբդոլնասեր Հեմմաթին։Նա հավելել է, որ չնայած առկա պայմաններին՝ երկիրը շարունակում է եկամուտ ստանալ նավթի արտահանումից, իսկ հետագայում ևս արժույթով ապահովելու համար անհրաժեշտ միջոցներ նախատեսված են:ԱՄՆ նախագահ Դոնալդ Թրամփն օգոստոսի վերջին հայտարարել էր Իրանի դեմ տնտեսական գործողություն սկսելու մասին՝ դա անվանելով «աննախադեպ մասշտաբի մեկուսացում», նա դաշնակիցներին հորդորել էր միանալ Վաշինգտոնին:Հիշեցնենք` Թեհրանն ու Վաշինգտոնը հունիսի 18-ի գիշերը հուշագիր ստորագրեցին, որը փետրվարի 28-ին սկսված հակամարտության ավարտ էր ենթադրում, սակայն ԱՄՆ զինվորականները հուլիսի 8-ի լույս 9-ի գիշերը հզոր հարվածների շարք սկսեցին Իրանի ուղղությամբ։ ԱՄՆ ԶՈւ կենտրոնական հրամանատարությունը հայտարարեց, թե դա իբր արվել է ի պատասխան Հորմուզի նեղուցով անցնող առևտրային նավերի դեմ Իրանի գործողությունների։Հուլիսի 8-ին Անկարայում ՆԱՏՕ-ի գագաթնաժողովի ժամանակ ԱՄՆ նախագահ Դոնալդ Թրամփը հայտարարեց, որ Իրանի հետ հրադադարն ավարտվել է: Հուլիսի 12-ի գիշերը ամերիկյան ուժերը հարձակվեցին Իրանում, Պարսից ծոցի ափերի երկայնքով և Հորմուզի նեղուցում գտնվող շուրջ 140 թիրախների վրա։ Իրանի Մեջլիսի խոսնակ Բաղեր Ղալիբաֆն իր հերթին հայտարարեց, որ միակողմանի գործարքների դարաշրջանն ավարտվել է, և զգուշացրեց` եթե ԱՄՆ–ն չպահպանի հրադադարի համաձայնագրի պայմանները, պատասխանը չի ուշանա։ Իրանցի զինվորականները սկսեցին հարվածներ հասցնել Մերձավոր Արևելքի մի շարք երկրներում գտնվող ամերիկյան ռազմակայաններին։ Հակամարտությունը մինչ այս պահը չի կարգավորվել։