Ֆրանսիական «Mirage 2000D» կործանիչի վթարի հետևանքով զոհված օդաչուներից մեկը հայ էր։ «Խոր ցավով տեղեկացանք փոխգնդապետ Անդրանիկ Սարգսյանի և լեյտենանտ Կանտեն Կլիսի մահվան մասին, ովքեր զոհվել են մարտական ​​թռիչքի ընթացքում տեղի ունեցած ավիավթարի հետևանքով։ Ֆրանսիայում Հայաստանի Հանրապետության դեսպանությունը ցավակցություն է հայտնում երկու զինծառայողների ընտանիքներին և հարազատներին, ինչպես նաև Ֆրանսիայի օդային և տիեզերական ուժերի ողջ անձնակազմին»,- նշված է Ֆրանսիայում Հայաստանի դեսպանության հայտարարության մեջ։ Հիշեցնենք՝ հոկտեմբերի 20-ի երեկոյան Ֆրանսիայի ռազմաօդային ուժերին պատկանող «Mirage 2000D» տիպի երկտեղանի կործանիչ-ռմբակոծիչը կործանվել է Ֆրանսիայի հյուսիս-արևելքում՝ Նանսի քաղաքի և «Նանսի-Օշե» ավիաբազայի մերձակայքում։ Միջադեպը տեղի է ունեցել բարդ եղանակային պայմաններում իրականացվող պլանային գիշերային ուսումնավարժական թռիչքի ժամանակ։ Ըստ հաղորդումների՝ ինքնաթիռում գտնվել են 27-ամյա օդաչուն և 44-ամյա սպան, որը պատասխանատու էր սպառազինության համակարգերի համար։ Անձնակազմի երկու անդամներն էլ զոհվել են, քանի որ չեն հասցրել կատարել կատապուլտում (ինքնաթիռից վթարային դուրս նետում)։ –00—ՅՄ The post Ֆրանսիական «Mirage 2000D» կործանիչի վթարի հետևանքով զոհված օդաչուներից մեկը հայ է appeared first on 24News .