Թուրքիայի հյուսիսում ածխահանքում մեթանի գազի պայթյունի հետևանքով երկու մարդ է զոհվել, ևս հինգը՝ վիրավորվել։ Վիրավորներից երկուսի վիճակը ծանր է։ Պայթյունը տեղի է ունեցել Սև ծովի ափին գտնվող Զոնգուլդաք նահանգի՝ ածխարդյունաբերությամբ հայտնի շրջանում՝ Քիլիմլիի շրջանի Գելիք քաղաքի Դերեջի թաղամասում գտնվող հանքահորում։ TRT Haber-ի հաղորդմամբ՝ հինգ վիրավորները տեղափոխվել են հիվանդանոց։ Թուրքիայի ներքին գործերի նախարար Մուստաֆա Չիֆթչին հայտարարել է, որ պայթյունից հետո հանքում մնացած միակ հանքափորին փրկելու ջանքերը շարունակվում են։ Նա նշել է, որ դեպքից անմիջապես հետո տարածք ուղարկված AFAD-ը, ժանդարմերիան, 112 շտապ բժշկական ծառայությունը և փրկարարական խմբերը շարունակում են աշխատանքները։ Թարգմանությունը՝ Էմմա Չոբանյանի