Հակակոռուպցիոն կոմիտեում ընտրակաշառք տալու, դրան օժանդակելու և ընտրակաշառք ստանալու դեպքերի առթիվ քննվող քրեական վարույթի շրջանակում այսօր Ստեփանավանում ևս 10 անձ է ձերբակալվել։ Կոմիտեից Հետքին հայտնում են, որ այս քրեական վարույթի շրջանակում ընդհանուր առմամբ 24 անձի մեղադրանք է ներկայացվել։ Նախաքննությունը շարունակվում է։ Հիշեցնենք՝ 2026թ. հոկտեմբերի 21-ին վաղ առավոտյան, խուզարկություններ և այլ քննչական գործողություններ են իրականացվում Ստեփանավան համայնքում։ Ձերբակալվել էր 14 անձ։ Ձերբակալվածները Ուժեղ Հայաստան կուսակցության համակիրներ են և Ստեփանավան համայնքի ավագանու թեկնածուներ։ Ձերբակալվել, այնուհետև 2 ամսով կալանավորվել է նաև Ուժեղ Հայաստան կուսակցության ընտրական ցուցակը գլխավորող, ավագանու թեկնածու Արսեն Գևորգյանը։ Նշենք, որ 2026թ. հոկտեմբերի 25-ին Ստեփանավան համայնքում անցկացվելու են համամասնական ընտրակարգով ավագանու ընտրություններ։ Ընտրապայքարին մասնակցում են չորս քաղաքական ուժեր՝ Քաղաքացիական պայմանագիր, Ուժեղ Հայաստան, Հանրապետություն և Գործարար կուսակցությունները։ Ուժեղ Հայաստան կուսակցության ներկայացուցիչները քարոզարշավի ընթացքում պարբերաբար ահազանգել են, որ իրենց թիմակիցները ենթարկվում են քաղաքական հետապնդումների, օգտագործվում է վարչական ռեսուրս և այլն։