Հաղորդավարներ՝ Սևակ Հակոբյան և Վեգա Անդրիասյան Հյուր. «Արևորդի» 14-րդ միջազգային կինոփառատոնի համակարգող Լիլիթ Խաչատուրյան Թեման. Հոկտեմբերի 23–27-ը Երևանում կանցկացվի «Արևորդի» 14-րդ միջազգային բնապահպանական կինոփառատոնը՝ նվիրված կենսաբազմազանության պահպանմանը։ Այս տարի «Արևորդին» միանում է COP17-ի օրակարգին՝ դառնալով բնության, կենդանիների, մարդկանց և մեր մոլորակի ապագայի մասին պատմող միջազգային կինոյի կարևոր հարթակ։ Փառատոնի ընթացքում կցուցադրվի 70-ից ավելի ֆիլմ՝ աշխարհի տարբեր երկրներից՝ վայրի բնության, էկոհամակարգերի, բնապահպանական խնդիրների, ինչպես նաև մարդկանց ու բնության փոխհարաբերությունների մասին։ Ինչպես միշտ, հաղորդման ընթացքում կլինի նաև օրվա տեղեկատվական բլոկը՝ --Օրվա լրահոս, --Եղանակի կանխատեսում, --Քաղաքի խցանումների վիճակ, --Տարադրամի փոխարժեքներ, --Զվարթնոց օդանավակայանի թռիչքների ժամանակացույց, --Լավագույն երաժշտական ընտրանի, --Ու, իհարկե, անմիջական կապ ռադիոլսողների հետ։