azatutyun.am Ռուսական զորքերը հարված են հասցրել Խարկովի մարզի Լոզովայա քաղաքի շուկային: Մարզային վարչակազմի ղեկավար Օլեգ Սինեգուբովի տվյալներով՝ զոհվել են երկու կանայք՝ 50 և 60 տարեկան, ևս 34 մարդ վիրավորվել է: «Ճաշի ժամին, երբ շրջակայքում շատ մարդ կար, թշնամին ցինիկաբար հարված հասցրեց Կենտրոնական շուկային Լոզովայայում: Դա կանխամտածված, թիրախային հարված էր խաղաղ բնակիչներին: Վնասվել են առևտրական տաղավարներ, մասնավոր և բազմահարկ շենքեր, առևտրի կենտրոններ, եկեղեցի, ավտոմեքենա», – գրել է քաղաքապետ Սերգեյ Զելենսկին: Թեև աշխարհագրորեն այս բնակավայրը Խարկովի մարզում է, այստեղից մի քանի տասնյակ կիլոմետր են հեռու Դոնեցկի մարզի Կրամատորսկ քաղաքի պաշտպանությունն ապահովող ուկրաինական ուժերի դիրքերը: Արդեն շատ ամիսներ ռուսական զորքերը ձգտում են գրավել Կրամատորսկը և հարևան Սլավյանսկը: The post Ռուսները Խարկովի մարզում շուկայի են հարվածել, 2 մարդ զոհվել է, 34-ը՝ վիրավորվել | azatutyun.am appeared first on Infocom .