Փարիզում սկսվել է ուսանողական բողոքի ակցիա՝ կազմակերպված «Interfac IDF» խմբի կողմից։ Երթը մեկնարկել է 13-րդ շրջանում՝ «Պիտիե-Սալպետրիեր» հիվանդանոցի մոտ։ Ակցիային հարյուրավոր մարդիկ են մասնակցում, իսկ ցուցարարների շարքերում շատ են երիտասարդները։ Ցուցարարները պաստառներ են պարզել՝ քննադատելով ոստիկանության գործողությունները և երկրում աշխատավարձերի վիճակը։ Պաստառներից մեկի վրա գրված է. «Բողոքի ակցիաների ժամանակ վիրավորված ավագ դպրոցի աշակերտներին բուժում են ցածր վարձատրվող բժիշկները՝ ավերված հիվանդանոցներում», իսկ մեկ այլ պաստառի վրա՝ «Ավագ դպրոցի աշակերտները կենտրոնացած են ավարտական ​​քննությունների վրա, իսկ ոստիկանները նշան են բռնում նրանց գլուխներին»։ Տասնյակ ոստիկաններ՝ հատուկ հանդերձանքով, շարվել են ցուցարարների դիմաց. նրանցից ոմանք վահաններ են պահում։ Նրանք փակել են Բաստիլի հրապարակ տանող փողոցը։ Հիշեցնենք՝ Ֆրանսիայում բողոքի ակցիաները սկսվել են սեպտեմբերի կեսերին, երբ ավագ դպրոցների և համալսարանների ուսանողները դուրս են եկել Փարիզի արվարձանների փողոցներ՝ պահանջելով բարելավել իրենց ուսումնական հաստատությունների վիճակը։ Ավելի ուշ նրանց միացել են մարդիկ, ովքեր դժգոհ էին գների աճից։ Ցույցերը շուտով տարածվել են նաև այլ շրջաններում։ –00—ՅՄ The post Փարիզում մեկնարկել է ուսանողների բողոքի ցույցը appeared first on 24News .