Խոսելով ուկրաինական կարգավորման հարցով եռակողմ հանդիպման հնարավոր վայրի մասին՝ Ռուսաստանի նախագահի մամուլի քարտուղար Դմիտրի Պեսկովը նշել է, որ այժմ քննարկվում է Աբու Դաբիի տարբերակը։ «Աբու Դաբիի մասին է այժմ խոսքը գնում», – լրագրողներին ասել է Պեսկովը՝ պատասխանելով «ՌԻԱ Նովոստի»-ի հարցին։ Ռուսաստանի նախագահ Վլադիմիր Պուտինն ավելի վաղ ԱՄՆ նախագահի հատուկ դեսպանորդ Սթիվ Ուիթքոֆին տեղեկացրել էր նոյեմբերի վերջին Ուկրաինայի հարցով եռակողմ բանակցությունները վերսկսելու Ռուսաստանի պատրաստակամության մասին։ ՌԴ նախագահի օգնական Յուրի Ուշակովը հայտարարել էր, որ կարգավորման հարցով եռակողմ բանակցությունների նոր փուլը կարող է տեղի ունենալ նոյեմբերին՝ Աբու Դաբիում։