factor.am Անդրեյ Սախարովի անվան «Մտքի ազատության համար» մրցանակը 2026 թվականին շնորհվել է Միջազգային քրեական դատարանին (ՄՔԴ)։ Որոշման մասին հայտարարել է Եվրոպական խորհրդարանի նախագահ Ռոբերտա Մեցոլան, փոխանցում է DW-ն։ «Եվրոպական միությունը հիմնված է բազմակողմ միջազգային կարգի և միջազգային ինստիտուտների նկատմամբ հարգանքի վրա։ Այս մրցանակը ճանաչում է Դատարանի կարևոր աշխատանքը՝ ամբողջ աշխարհում միջազգային իրավունքի և արդարության պահպանման ապահովման գործում»,- ասել է նա։ Մրցանակի հանձնման արարողությունը տեղի կունենա դեկտեմբերի 16-ին՝ Ստրասբուրգում։ Դրամական պարգևի չափը կազմում է 50,000 եվրո։ ՄՔԴ-ից բացի՝ 2026 թվականի մրցանակի եզրափակիչ փուլ անցածների թվում էին նաև Տանզանիայի ընդդիմության առաջնորդ Տունդու Լիսուն, որը գտնվում է կալանքի տակ, և մահապատժի դատապարտված երկու իրանցի կանայք՝ Թարանե և Ռոմինա Ռահիմի քույրերը, որոնք մասնակցել են երկրում տեղի ունեցած բողոքի ցույցերին։ Ավելի վաղ ԱՄՆ նախագահ Դոնալդ Թրամփը պատժամիջոցներ էր սահմանել Միջազգային քրեական դատարանի և դրա աշխատակիցների նկատմամբ, ինչպես նաև կարգադրել էր արգելափակել նրանց ակտիվներն ու բանկային հաշիվները Միացյալ Նահանգներում։ Շարունակությունը՝ սկզբնաղբյուր կայքում The post Եվրախորհրդարանը Սախարովի անվան մրցանակը շնորհել է Միջազգային քրեական դատարանին | factor.am appeared first on Infocom .