ԵՐԵՎԱՆ, 22 հոկտեմբերի – Sputnik. Թրաֆիքինգով զբաղվող օտարերկրացի տղամարդ է հայտնաբերվել ՀՀ–ում։ Տեղեկությունը հայտնում է ՀՀ ՆԳՆ ոստիկանությունը։ «Օպերատիվ-հետախուզական միջոցառումների արդյունքում փաստական տվյալներ են ձեռք բերել, որ նա հավաքագրել և բարձր աշխատավարձ վճարելու կեղծ խոստումով Հայաստան է տեղափոխել 2 օտարերկրացու, ապա վերցրել նրանց անձնագրերը։ Օգտվելով նրանց անօգնական վիճակից՝ Երևան քաղաքի Քըրք Քրքորյան փողոցում (նախկին Լենինգրադյան – խմբ.) գտնվող հյուրանոցներից մեկում ստիպել է կատարել համակարգչային հափշտակություններ։ Պարզվել է նաև, որ այդ քաղաքացու համակարգմամբ նշված հյուրանոցում համակարգչային հափշտակությամբ են զբաղվում նաև օտարերկրյա 39 այլ քաղաքացի»,– ասված է հաղորդագրությունում։Նախաձեռնվել է քրեական վարույթ։ Տղամարդը կալանավորվել է։