«Ինտերի» գլխավոր մարզիչ Կրիստիան Կիվուն, մեկնաբանելով Չեմպիոնների լիգայի երրորդ տուրում ուկրաինական «Շախտյորի» նկատմամբ 1:0 հաշվով հաղթանակը, խոսել է նաև Հենրիխ Մխիթարյանի մասին: 37-ամյա հայ կիսապաշտպանն իր նախկին թիմի դեմ խաղում փոխարինման էր մտել 75-րդ րոպեին, իսկ երկու րոպե անց գոլային փոխանցում էր կատարել բրազիլացի պաշտպան Կառլոս Աուգուստոյին: «Մխիթարյանը մեզ համար առանցքային դեր ունի այս խմբում։ Մենք գիտենք, որ չենք կարող սխալներ թույլ տալ, եթե ուզում ենք Լիգայի փուլն ավարտել լավագույն ութնյակում։ Մեզ հաղթանակ էր պետք, և դրան այսպես հասնելը մեզ ավելի մեծ վստահություն է տալիս»,- ռումինացի մարզչի խոսքերը մեջբերում է ՈՒԵՖԱ-ի պաշտոնական կայքը։ Ընթացիկ մրցաշրջանում Հենրիխ Մխիթարյանն «Ինտերի» կազմում մասնակցել է 5 հանդիպման ու կատարել 2 գոլային փոխանցում: