Ինչպե՞ս կառուցել ժամանակակից քաղաքային միջավայր՝ միաժամանակ կարևորելով բնության և կենսաբազմազանության պահպանությունը։ Այս թեմային է անդրադարձել Dalan Technopark-ի գործառնական տնօրեն Հայկ Տեր-Տաճատյանը՝ COP17-ի շրջանակում հանդես գալով «Յուրաքանչյուր շենք կենսաբազմազանության մասին որոշում է» խորագրով ելույթով։ 154 հազար 500 քառակուսի մետր ընդհանուր մակերեսով բազմաֆունկցիոնալ բիզնես համալիրը կառուցվում է LEED միջազգային կանաչ շինարարության ստանդարտի պահանջներին համապատասխան։ Այն ենթադրում է բնապահպանական սկզբունքների կիրառում շենքի նախագծման և կառուցման տարբեր փուլերում՝ ջրային ռեսուրսների արդյունավետ կառավարումից մինչև հողի պահպանում և արտաքին լուսավորության կազմակերպում։ Dalan Technopark-ի փորձը ցույց է տալիս, թե ինչպես կարելի է միջազգային չափանիշները ներառել շինարարական գործընթացում և նպաստել Հայաստանում կանաչ շինարարության մշակույթի զարգացմանը։ *գովազդ